26/10/2024 : 精神健康月開幕典禮攤位@Chill Lab

今年10月，Chill Lab作為其中一個展出攤位，喺將軍澳新都城中心參與咗由勞工及福利局與多個政府部門、公營機構及非政府組織聯合舉辦嘅「齊賀國慶75周年‧2024精神健康月開幕典禮暨嘉年華」。當日場面非常熱鬧，勞工及褔利局局長孫玉菡先生亦有到場主禮，為2024精神健康月一連串精彩活動揭開序幕。

我哋透過富有趣味性嘅攤位遊戲，向現場參加者宣傳情緒健康嘅重要性，同時提高大眾對青少年精神健康嘅關注，希望一齊建立精神健康友善嘅社區。